Huling upuan sa semis pag-aagawan sa Sunkist-PBL Unity Cup

Apat na team ang maghaharap ngayon para sa dalawang playoff berth para sa huling upuan sa semifinals sa kapana-panabik na twinbill ng Sunkist-PBL 2003 Unity Cup sa Pasig Sports Center.

Maglalaban ang Blu at ITCSI para sa top spot sa Pool B sa ganap na alas-2 ng hapon habang maghaharap naman ang LBC-Batangas at ang Viva Mineral Water para makalusot sa Pool A sa alas-4 ng hapon.

Kapwa nanaig ang Detergent Kings at ITCSI Archers sa kanilang laban sa Nutri-licious at ang magwawagi sa kanilang engkuwentro ang haharap sa No. 1 team sa Pool A ng dalawang beses upang makasama ang naghihintay na Hapee Toothpaste, John-O at Montana Pawnshop sa susunod na round.

Ang Blu, na naghahangad ng kanilang ikalawang championship appearance mula noong 2002 Chairman’s Cup, na maulit ang 110-60 panalo na nagpatalsik sa Nutri-licious sa kontensiyon.

Samantala, mas komplikado ang sitwasyon ng Viva at LBC sa kanilang kampanya para sa Pool B leadership.

Kapag nanalo ang Viva, makukuha ng Water Force ang twice-to-beat advantage sa playoff para sa huling upuan sa semis.

Kailangan naman ng Batangas Blades na manalo ng hindi bababa sa 29 puntos para ma-angkin ang No. 1 spot sa sa Pool A. At karag-dagang hirap pa ang panalo ng Viva, 74-66 sa kanilang unang pagta-tagpo.

Kapag nanalo ang LBC ng kulang sa 29 pun-tos, makukuha naman ng Welcoat Paint ang twice-to-beat advantage.

"It’s really a tall oder. Nandiyan na ‘yan, and there’s nothing we can do but do our best today and beat the odds. Siguro nga, this is the biggest challenge we have to face to prove ourselves worhty of a semifinal stint," ani LBC coach Nash Racela.