MY Games outstanding athletes dadalaw kay Atienza

Lahat ng outstanding athletes ng 2nd Manila Youth Games na nakatakdang magbaba ng kurtina ngayong hapon ay dadalaw kay Manila Mayor Lito Atienza sa Manila City Hall.

Sinabi kahapon ni MY Games organizing committee at Manila Sports Council (MASCO) chairman Arnold ‘Ali’ Atienza na lahat ng tatanghaling outstanding athletes ng 14 events ng isang linggong palaro na suportado ng Philippine Sports Commission, PAGCOR, WG&A Superferry, Globe Telecoms, Viva Mineral Water, PowerAid, Victor Sports and Presswork ay ipiprisinta sa publiko ni Mayor Atienza at bibigyan ng suporta ng City of Manila para sa pagsasanay sa mga darating na national competitions tulad ng Palarong Pambansa at Batang Pinoy.

Kabilang sa mga atleta sina multi-gold winners Mikee Bartolome, Judith Elizah Cruz, Thessa Alcantara at Johansen Aguilar sa swimming at athletics, quintuplet medal winners Joy Regillas Antonio Mendenilla at Analyn Ricalde ang mga dadalaw sa Manila City Hall na itinakda ng MASCO officials sa susunod na linggo.