Rolando Navarette, 11 pang disabled boxers nabiyayaan

Labing-dalawa pang disabled boxers sa pangunguna ni dating world champion Rolando Navarette ang tumanggap ng financial assistance kahapon mula sa Disabled Boxers Trust Fund sa Royal Mandaya hotel sa Davao City.

Ipinamahagi ni Jaime P. Mata, officer-in-charge ng Games and Amusement Board’s extension office sa Davao City ang kabuuang P140,000 kabilang ang P20,000 kay Navarette.

Ang iba pang tumanggap ay sina Richard Cubillas, Paulo Entero, Jose Gaviola, Garciano Atayde, Victorino Rogelio Butalid, Gerardo Quinones, Larry Geconcillo Sr., Diego Grealvo, Jemuel Maguinsay, Dionie T. Inting at Federico Quijano.

Umabot rin sa 33 iba pang boxers na may kapansanan sa pangunguna ni Pretty Boy Lucas at Rey at George Tam ang tumanggap ng financial assistance sa unang araw ng pamamahagi noong nakaraang buwan sa GAB main office sa Makati City.