Tigers naka-dalawa

Sinandalan ng Coca-Cola ang maiinit na kamay ng kanilang bagong saltang rookie na si Reynell Hugnatan upang pabagsakin ang Shell Turbo Chargers, 86-73 sa pagtatapos ng 10 exhibition matches ng PBA bago magbukas ang All Filipino Cup sa Linggo.

Ang panalong ito ng Tigers na ginanap sa Nene Aguilar Gym sa Las Piñas ay ikalawa sa kanilang tune-up games habang wala namang naipanalo ang Turbo Chargers sa kanilang dalawang laro.

Si Hugnatan ang nagdeliber ng mahahalagang baskets sa huling baha-gi ng labanan upang ihatid ang Coca-Cola sa tagumpay.

Hindi naging malaking kawalan para sa Coca-Cola ang di paglalaro nina Johnny Abarrientos, Freddie Abuda at Will Antonio na pawang may mga injuries.

"I hope these tune-up games win us a championship but unfortunately it couldn’t " ani Reyes. "But of course, it helped me evaluate the performances of my players before the regular season."

Sa tulong nina Fil-Americans Rob Wainright, Jeffrey Cariaso at Rudy Hatfield nagkaroon ng pagkakataong makalayo ang Tigers sa 59-48, 21 segundo na lamang ang nalalabi sa ikatlong quarter.

Ngunit nagawang ibaba ng Shell sa dalawang puntos ang kanilang agwat sa ikaapat na quarter, 59-61 bago sinimulan ni Hugnatan ang kanyang kabayanihan upang iligtas ang Tigers sa malaking kapahamakan.