P.2-M premyo sa Yakult 10 Miler

Aabot sa mahigit P200,000 cash ang naghihintay sa mga sasali sa Yakult 10 Miler na nakatakda sa Dec. 1 sa Cultural Center Complex sa Pasay City. Ito ang inihayag ni Albert Dy Sun, vice President ng Yakult Phil., Inc. Ayon kay Dy Sun, pagkakalooban ng P30,000 at tropeo ang top five finishers sa 10 mile distance, habang mga medalya naman para sa top three finishers ang ipamimigay sa 5K fun run at dalawang age categories para naman sa 3K kiddie run.

Tatanggap ang overall finisher at first finisher ng 10 mile race ng tig-P7,000; P3,000 sa runner-up; P2,000 sa third placer; P1,000 sa fourth placer at P500 naman sa fifth placer.

Ang lahat ng finishers ay tatanggap ng Yakult running singlets, habang ang grupo ng may pinakamaraming bilang ng lahok ay pagkakalooban ng tropeo.

Ang sinumang interesadong lumahok ay magsumite lamang ng kanilang entries sa RACE secretariat sa ground floor ng Vasquez Madrigal Plaza Bldg., sa No. 51 Annapolis St., sa Greenhills, San Juan. Ang registration fee ay P100 para sa 10 Mile distance, P80 sa 5K run at P50 naman sa 3K run.