Montana hiniwa ang Blades

Nagpasiklab ang di gaanong kilalang si Mike Roldan nang kanyang banderahan ang LBC-Batangas sa huling dalawang minuto upang ihatid sa magandang debut ang Blades matapos ang 84-77 panalo kontra sa Montana Jewels kahapon sa pagbubukas ng 2002 PBL Challenge Cup sa Pasig Sports Center.

Nagsalpak si Roldan, tumapos ng 12 puntos at pitong rebounds ng back-to-back basket na siyang ginawang sandigan ng Blades sa 76-79 pagbangon sa final na 2:17 oras ng labanan.

Sa kabila ng medyo may kaliitan at batang koponan, nasorpresa ng Blades ang mga manonood ng kanilang dominahin ang unang bahagi ng laro matapos na burahin ang 25-puntos na agwat ng dalawang beses na ang huli ay sa 56-31 may 2:00 ang nalalabi sa third period.

Mula sa 57-69 ng iskor, nagbaba ang Jewelers ng 15-4 run sa kaagahan ng final canto upang pababain ang kalamangan sa 72-73, 4:39 ang oras sa tikada.

Ang basket ni Roldan ang nagdala sa Blades sa 83-77 may 16.3 segundo na lamang, habang isiniguro naman ni Al Magpayo na tumapyas ng walong puntos at 8 rebounds ang final na iskor.