Si Ms. Tessa, Rhea at Ryan Gregorio

Matagal-tagal na rin ang panahon nang huli kaming magkita ni Ms. Tessa Jazmines, isa sa nakilala kong lady sports columnists na naging close friend aside from Rhea Navarro and Gianna Maniego.

Kasi bukod sa pagiging sports columnist (dati sa Phil. Star), isa siyang PR consultant kung saan may sariling PR agency --ang Larc and Asset.

Magkakasama kaming nanonood at nagkokober ng PBA noon sa Ultra (PhilSports na ngayon) at maraming PBA team din siyang nahawakan bilang PR lady.

Sa lahat ng lakad magkakasama kami nina Tessa at Rhea at magkakatabing lagi sa press box na laan sa mga nagko-kober.

So, noong last Wednesday, nagdate kaming tatlo sa Greenhills para lang magkuwentuhan at magkita, dahil miss namin ang bawat isa lalo na si Tessa na very busy sa pagiging vice chancellor sa UP.

Dito napag-usapan namin si Ryan Gregorio, ang interim coach ng Purefoods.

Si Ryan ay isa sa mga naging estudiyante ni Tessa sa UP. And during his college days, nagbabasketbol na talaga si Ryan and in fact, may ibubuga naman bilang player.

Nag-start si Ryan sa kanyang basketball career sa UP intrams lamang and take note alam n’yo ba kung sino ang coach niya?

Well, none other than Ronnie Magsanoc, na part naman ngayon ng Purefoods team na kanyang kinu-coach, at si Tessa ang team manager ng team na ‘yon.

Kaya naman tuwang-tuwa si Tessa na makitang umaangat ang mga career ng kanyang mga naging estudiyante.

Hindi lang si Tessa kami ni Rhea ay tuwang-tuwa rin para kay Ryan.

Simpleng tao lang si Ryan, makuwento at palabiro. Pero hindi nakakalimot sa mga taong naging bahagi ng kanyang career.

Kaya sa iyo Ryan, we know you can make it!

Anong say n’yo Ms. Tessa and Rhea?