Obosa, nanguna sa Pangasinan elims

Pinangunahan ni Erickson Obosa, isang 20 anyos na tubong Manaoag, Pangasinan ang cycling elimination race para sa Region 1 na ginanap sa San Fabian Pangasinan patungong Baguio City via Marcos Highway.

Si Obosa, kasama ang 50 riders mula sa Region 1 area ay sumali sa karerang pinamahalaan ni Region 1 PACA cycling commissioner Capt. Andy Briones at dating Tour of Luzon champion Jess Garcia.

Ang karera na nagsimula bandang alas-9 ng umaga ay dumaan sa San Fabian via Rosario, Damortiz, Agoo, Tuba La Union at wakasan ang 170 kms karera sa pag-akyat sa Marcos Highway patungong Baguio City.

Bukod kay Obosa, na naorasan ng 3:43:09, ang iba pang kasama sa top ten ay sina Reynaldo Navarro, 3:45:32, Jun Rabina, 3:45:38, Rolando Calosa, 3:47:28, Jun Vinluan 4:00:01 at Joel Gullien, 4:01:56.