Greenhills 3K Family Run sa Marso 3

Magwawakas ang patalaan para sa Greenhills 3K Family Run na nakatakda sa Marso 3 sa Huwebes, Pebrero 28.

Ito ang inihayag ni Dr. Jerry Jarin, pangulo ng organizing Greenhills Running Club.

Ang naturang karera na suportado ng ZEST-O ay bukas para sa mga kabataang may edad 6-12 at iba pang fitness buffs na may edad 13-pataas. Sila ay tatakbo sa palibot ng Greenhills Shopping Center hanggang sa Northeast Greenhills Subdivision.

Nakataya ang mga premyo at medalya para sa top three finishers sa mga sumusunod na age categories; 6-9; 10-12; 13-19; 20-29; 30-39; 40-49; 50-59 male at female at 60-69 at 70-pataas para sa lalaki lamang.

Kasalukuyan pang ginaganap ang patalaan sa ground floor ng Vazques Madrigal Plaza Bldg., sa 51 Annapolis St. San Juan. Ang registration fee ay P100. Ang iba pang sumusuporta sa karerang ito ay ang Greenhills Shopping Complex at San Juan Police Greenhills Station.

Inaabisuhan ang lahat ng kalahok na dumating sa assembly area sa Greenhillls Shopping Complex parking bay 9 sa harapan ng Green-hills theater ng hindi lalampas sa alas-5 ng umaga sa Linggo (Mar. 3) para sa pre race briefing at check in. Eksaktong alas-6 ng umaga magsisimula ang karera.