650 technical officials isasabak

Mahigit sa 650 technical officials mula sa National Sports Association (NSAs) ang isasabak sa susunod na buwang Philippine National Youth Games-Batang Pinoy Championships upang mangalaga sa kompetisyon na itatampok sa nasabing sports meet.

Ang lahat ng opisyales ay pawang mga eskperto sa kani-kanilang sports at karamihan ay mga beterano ng PNYG-BP’s sa nakaraang dalawang edisyon ang siyang titingin sa hostilidad ng 15 sports calendar para sa Dec. 1-7 games sa Panaad Park and Sports Complex sa Bacolod City, Negros Occidental.

Mangunguna sa technical officials sina Benjamin Silva-Netto para sa athletics, Errol Chan sa badminton, Rene Fortaleza sa boxing, Wilfredo Abalos sa chess at Atty. Josefina Saliva sa dancesports.

Ang iba ay sina Edward Magallona sa football, Rhoda Balmori sa gymnastics, Alywin Suva sa karatedo, Tom Falcis sa lawn tennis, Ral Rosario sa swimming at Dante Boquiren sa table tennis.

Kasama rin sa grupo sina Architect Elmer Pato sa taekwondo, Luis Gepuela sa volleyball at Conrado Forcadela kasama si Leticia Gempisao para sa Little League baseball at softball.