Pinoy athletics sali sa Arafura Games

DARWIN, N.T., AUSTRALIA --Tumanggap ng mainit na pagbati ang mga Pilipinong kalahok sa 2001 Arafura Games noong Miyerkules ng gabi mula sa mga kapwa Pilipino na naninirahan dito.

Pinangunahan ni PSC Commissioner William "Butch" Ramirez ang RP delegation na binubuo ng mga local representatives mula sa Bacolod, Davao, Agusan del Norte, Cebu, Cagayan de Oro at Davao Oriental.

Makikitang aktibo ang RP team sa larangan ng lawn tennis, table tennis, athletics, swimming, badminton, judo at boxing, kung saan tanging ang water polo squad lamang ang lalahukan ng national squad ng bansa habang ang ibang manlalaro ay bunga ng mga developmental programs tulad ng Batang Pinoy at Palarong Bansa.

"The Philippine delegation is different from other delegations we send to international meets in so far as the demographics of its representation is concerned. We made sure that local government units get the chance to send their developmental athletes and this is one avenue where they can participate," wika ni Ramirez.