Team Standard ni Valdez nanguna

Pinamunuan ni tour veteran at SEAG bronze medalist Placido Valdez ang Team Manila Standard na makopo ang top place sa overall standings matapos ang dalawang araw na RP Cycling Challenge.

Sa unang araw ng kumpetisyon, na tinampukan ng team time trials na ginamit sa SBMA circuit, ang Manila Standard ay nagsumite ng best time upang magtapos na una sa 64- cycling 8-man field ng event na inorganisa ng Philippine Cycling Management Corporation.

Pumangalawa ang People’s Journal, ikatlo ang Manila Bulletin habang ang sumunod na puwesto ay inokupahan naman ng Manila Times at Philippine Star upang makumpleto ang limang pangunahing teams sa team time trial. Ang paggamit ng pangalan ng newspapers ay bilang pagbibigay-pugay sa karangalan ng mga naunang kampeon na pawang mga newspaper delivery boys.

Upang mapangalagaan ang bentahe ng kanyang team, ang 32 anyos na si Valdez ay maagang umarangkada sa 209 kilometer individual massed star sa sumunod na araw.