Escrima Liga 2001 sisimulan na

Idaraos simula bukas ang Escrima Liga 2001 National Interschool Fencing Championships ng kanilang quarterly leg sa PSC Fencing Center sa PhilSports Complex sa alas-8 ng umaga.

Inorganisa ng Team ventures at sanctioned ng Philippine Amateur Fencers Association, ang Escrima Liga ay isang yearlong event na may isang competition kada quarter upang madetermina ang year’s champion school.

Inaasahang lalahok si Maita Gamallo ng UP Diliman, ang UAAP champion sa Ladies Epee at Ladies’ Foil champion, Melly Joyce Angeles ng UP rin.

Bukod sa UP Diliman, inaasahan ding sasabak sa aksiyon ang mga koponan mula sa Ateneo de Manila University, CIE of Cebu, College of St. Benilde, DLSU, FEU, PMA Baguio, University of Asia at Pacific, UE, UP Manila at UST.