DOT Secretary Gipa-Tulfo

Gipa-Tulfo si Department of Tourism Secretary Christina garcia Frasco. Kini kung ang imong paminawon ang mga pagpasabot ni Senador Raffy Tulfo didto sa Senado diin iyang g pangutana si Secretary Frasco kun nganong kanunay nga nakabantang ang dagko na dagway niini sa mga kalihokan sa Department of Tourism.

Ina kay ang mga nindot nga talan awon sa dapit nga makadani sa mga turista sa pag-adto niini dagway na hinuon ni Secretary Frasco ang gpakita. Kining tanan nakabase sa mga reklamo nga gi-ingon sa senador nga nadawat sa ilang aksyon center. Gkumparar sa senador ang ubang nasud nga mga silingan sa Pilipinas nga dili makita sa ilang mga pag-imbitar og turista nga mobisita sa ilang nasud ang dagway sa mga secretary sa ilang turismo. Hinuon maoy makita ang mga maanindot nga talan-awon nga makadani gayud sa mga torista nga mobisita sa ilang nasud.

Dili nata matingala nga kanunay nga nakabantang ang dagway ni DOT Secretary Frasco sa mga kalihokan, programa, ug proyekto sa departamento sa turismo kay epal man pud ni siya. Pariha man ni siya sa iyang bana nga si Kongresista Duke Frasco nga ang iyang pangalan naa sa kape, tubig, bugas, sardinas, ug bingkahan. Hinuon, aron makalusot sa pagsaway gihimo nalang negosyo ni Frasco ang iyang pangalan mao nga naa na siyay baligya na frasco sardines, frasco water, frasco coffee ug uban pa.

Dili pud nato mabasol si Secretary Frasco sa pag pabantang sa iyang dagway sa mga kalihokan sa turismo tungod kay ang katawhan kusog nga mangita sa mga gihimo sa mga opisyal sa gobiyerno. Kay kung dili ta makakita sa gihimo ni Frasco modayun pud ug ingon ang mga tao nga wa kini nahimo.

Pero mas maayo unta nga kung naa man ang dagway ni Secretary Frasco naa pud unta uban kaniya ang mga hulagway sa mga maayong talan-awon dinhi sa nasud nga makadani ug makaagni sa mga langyaw ug local nga turista sa pagbisita dinhi sa nasud ug sa mga dapit niini.

Kun wala man makita ang dagway sa mga secretary sa turismo sa mga silingan natong nasud sama sa Vietnam, Malaysia, Singapore ug uban pa sa mga kalihokan sa ilang turismo basin ug ang ilang dagway dili pariha ka presentable sa dagway sa atong DOT secretary Christina Garcia Frasco.

G-tuki ni Senador Tulfo ang reklamo nga gipaabot ngadto sa ilang aksyon center batok kang secretary Frasco mahitungod sa pag pa bantang sa dagway niini sa mga kalihokan sa turismo. Ang akong pangutana, wala ba makadawat mister senator ang inyong aksiyon center ug reklamo nga corruption batok ni Presidente Bongbong Marcos, Martin Romualdez ug mga kongresista nga nalambigit sa flood control project scandal? Kay hilom man kaayo ka.

Wala man magtagawtaw sa grabing Koruption karun sa administrasyong Marcos.

Wala ba makadawat ug reklamo ang inyong aksyon center sa gihimo sa imong anak didto sa gawas sa nasud nga migasto ug pila ka milyon sa iya lang pag-inom inom kuyog sa iyang mga barkada?

Nagutana lang ko mister senator.