Data-datahan ang yuta

Dear Atty. Divine,

Ang yuta sa akong mama paliton pinaagi sa installment.

Misugot ra sab si mama kay needed man niya ang kwarta para sa iyang maintenance sa tambal. Ang akong pangutana kun unsa nga dokumentao ang dapat pirmahan ni mama alang sa maong pagbaligya? Daghang salamat.

Risa

* * *

Dear Risa,

Tungod kay installment man ang pagpalit sa property, Deed of Conditional Sale ang dokumento nga ipahimo ug pirmahan sa imong mama. Ang maong dokumento maglatid sa terms and conditions lakip na sa selling price, pila ang down payment, pilay ang monthly payment ug kun pila ka tuig kining bayran.

Ibutang sab ang mga kondisyon kun mapakyas sa pagbayad sa monthly ang buyer.  Kinahanglan sab nga ipanotaryo ang Deed of Conditional Sale. Kun mabayran na ang full amount sa selling price sa property then mamahimo nang mopirma ang imong mama og Deed of Absolute Sale. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.