Mamahimo bang i-withdraw ang contribution sa

Pag-Ibig Fund?

Atty. Divine,

Ang akong papa miyembro sa Pag-IBIG Fund sud na sa kapin sa 20 ka tuig. Apan since last month nasakit ang akong papa ug maglisud na siya sa pagbalik og trabaho human siya na paralyze. Matud sa doctor posibleng dili na siya makabalik sa pagtrabaho tungod sa iyang kondisyon karon. Ang akong pangutana kun mamahimo bang i-withdraw ni papa ang iyang contribution sa Pag-IBIG Fund aron magamit sa iyang maintenance sa tambal?

Liza

* * *

Dear Liza,

Yes, mamahimong i-withdraw sa imong papa ang iyang contribution sa Pag-IBIG Fund lakip na ang iyang dividends. Kini tungod kay ang permanent and total disability usa sa mga basihan aron makuha sa miyembro ang iyang contribution. Laing basihan nga makuha sa miyembro ang contribution sa Pag-IBIG kun naabot na og 20 ka tuig ang iyang pagka active member og dunay equivalent 240 total monthly contributions. Sa kaso sa imong papa, kapin sa 20 ka tuig na siyang miyembro ug aduna na siyay disability so way rason nga dili niya makuha ang iyang contribution. Mas maayo nga imong bisitahon ang buhatan sa Pag-IBIG Fund aron sa pagpangayo kanila og requirements. Thank you and God Bless!

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.