ASEAN-DMM ug ASEAN-DMM Plus malampuson

CEBU, Philippines — Gihulagway sa Police Regional Office-7 nga malampuson ug hapsay nga napahigayon ang 2026 ASEAN Defense Ministers’ Meeting (ADMM) ug ADMM-Plus sa Lapu-Lapu City gikan Oktubre 27 hangtod 30.

Atol sa maong adlawa, kapin 3,600 ka security personnel ang gi-deploy para seguraduhong malinawon ug hapsay ang kalihokan.

Sumala sa PRO-7, nakatabang sa malampusong operasyon ang gipalig-on nga mga lakang sa seguridad, estratehikong pagdeploy sa mga personahe, epektibong pagdumala sa operasyon ug suod nga koordinasyon sa mga kaubang ahensiya.

Nagpasalamat si PRO-7 Regional Director PBGen. Arnold E. Abad mga sakop ug ingon man sa ubang ahensiya sa gobiyerno nga nitabang sa kalamposan sa kalihokan.

Gipasalamatan usab niya ang publiko tungod sa kooperasyon ug suporta nga nakatampo sa malinawon ug hapsay nga pagpahigayon sa kalihokan.—Shiela Mae Agrabio/IBM