Restoring investor confidence

Maayo kini nga kaugmaran sa atong dakbayan - kining panagtagbo sa mga negosyante, ug paghingusog nga himoon ang mga government reforms, pagpatunhay sa transparency, policy stability, ug institutional credibility, taliwala niining kaguliyang sa politika ug mga isyo sa korupsiyon.

“Lingering investigations, governance concerns and political uncertainty weighed heavily on business sentiment in 2025, prompting firms to delay expansion plans and adopt a more cautious approach to new investments,” nagkanayon si Jay Yuvallos, presidente sa Cebu Chamber of Commerce and Industry (CCCI).

Bitaw, kon ingon niini ang kahimtang-politikanhon sa atong nasud, tugkan og pagduda ug pagpanagana sa business sector, ug makasanta sa ilang mag tinguha pag-usbaw. Of course maka-apekto kini sa overall economy sa dapit.

“To move forward, we need clear reforms that stabilize expectations and restore trust,” padayon ni Yuvallos.

Atong makita dinhi nga milihok ang private sector, niining tungora, pinaagi sa business community.

Gitinguha ang paghiusa sa tingog sa private sector, aligning with the business community, alang sa common o managsama nga tumong ug katuyoan – for a common good.

“A united private sector can become a credible partner to government and a catalyst for the reforms investors are looking for,” dugang pamahayag ni Yuvallos.

Ang Capitol nagpahibalo sa gilusad nga Cebu International Investment Summit 2026, lima ka adlaw nga panagtigom (Jan. 12 to 16) diha sa Cebu Provincial Capitol Social Hall. Gi-organized kini sa

Cebu Provincial Investment and Promotions Division (CPIPD) uban sa panag-alayon sa Enterprise Economic Council.

Gipaabot nga mga manambong sa summit, magagikan sa South Korea, Singapore, Japan, mainland China, Taiwan, Oman ug Saudi Arabia. Kon unsa man nga mga reforms ang makab-ot sa summit, mahimo kining tikanganan o springboard padulong sa kauswagan .

“If governance improves and confidence stabilizes, Cebu can return to a growth trajectory. The private sector is ready to do its part—but good governance must lead the way,” tinguha ni Yuvallos.

* * *

Bisa’g unsa ka lisud, ipadayon gayud ang solid waste segregation, o ang lain-lain sa malata ug dili malata nga basura, nagkanayon si Mayor Nestor Archival.

Mao nay husto nga attitude. Napakyas kita niini sa unang mga higayon, labina tungod kay ang pag-segragate anha manugad sa mga kabalayan.

Matud pa, anam-anamon ang pagpatuman niini. Una ang information drive, o pagsabwag sa kasayoran mahitungod sa paglingkawas sa suliran sa basura – kini sa mga tunghaan, barangayan, ug sa mga buhatan.

Dayon ang pag-enforce na sa garbage collection, pagpatuman sa lagda sa segregation, uban sa mga warning, apan wala pay multa.

Sugod Pebrero 1, ipatuman na, strictly ang waste segregation, diin ang mga basura nga wala i-segregate, dili koletktahon, ug ang responsable niini, multahan na. Kuyaw. Sa ato pa, no segregation, no collection.

Apan Mayor, sa ubang nasud, sama sa garbage-free nga Singapore, nag-provide sila og mga garbage receptacles. Unya, daghan ug efficient kaayo ang ilang mga garbage trucks.

Of course, kaakohan kini natong tanang. Dili mahimo nga ato lang pasagdan ang gobyerno pagsagubang niining tanan.

Gikinahanglan ang cooperation ug bulig sa matag-usa kanato. Singapore, by the way, is clean, green, and disciplined. Are we? Hunahunaa nga ang paglinis anhi magsugod sa atong kabalayan.