Unsaon paghusay ang boundary dispute

Dear Atty. Divine,

Aduna koy napalit nga portion sa property og ako na kining gitukoran og balay karon. Ang akong silingan nakapalit sab og portion sa property nga tupad sa akong napalit. Karon nagsugod na siya og pakoral sa iyang napalit nga yuta. Apan na-obserhan nako nga milapas ang iyang koral ngari sa akong property. Ako siyang gi-estoryahan nga i-atras ang iyang koral kay nalakip na niini ang part sa akong yuta. Apan mi-insist sab siya nga mao daw kadto ang utlanan sa iyang yuta. Ang akong pangutana kon unsaon namo pagsettle kining maong boundary dispute? Daghang salamat. —Eddie

* * *

Dear Eddie,

Aron di na mo maglalis kon kinsay sakto ninyo, ang maayo ninyong buhaton mao ang pagpa-survey sa inyong yuta. Mamahimo nga magsabot mong duha nga magtunga mo sa bayranan sa surveyor og inyong ipasukod og pabutangan og mohon ang matag utlanan sa inyong yuta aron malikayan na ang boundary dispute. Atul sa pagsurvey, kinahanglan sab nga motambong og mosaksi mong duha aron wa nay mo question sa utlanan sa inyong property. Thank you ang God bless. —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.