Magalong na-in love ni Tatay Digong

Sa usa ka Bilyonaryo News Channel press conference, kanhi Philippine National Police (PNP) Chief ug karon Baguio City Mayor Benjamin B. Magalong, kinsa nailhan na sa kinabag-ang good governance lovers, nga usa ka tarong-ligdong mangangalagad, tinuoray'ng Duterte’s war on drugs supporter, mipaambit sa iyang kasinatian bahin kon giunsa niya pagkasayod nganong nakat-on sa pagmahal ug paghigugma kaniya ang milyonmilyong diehard Duterte supporters (DDS) tibuok kalibotan?

Sa sinugdanan, matud pa ni Magalong, wala gyod siya masuheto kaayo sa pagkatawo ni kanhi Presidente Rodrigo Roa Duterte (PRRD). Mao nahibulong siya nganong pirme man taas kaayo ang trust rating sa matag lehitimong gipangpahigayong mga survey? Abi niyag ang mga tawong na-survey, nahadlok lang.

Busa, naikag-intriga siya pagpahigayog kinaugalingong house to house visit and survey didto sa kabalayan panahon sa pagpangampanya ni Magalong, kinsa gustong magpapiling mayor sa ilang siyudad.  Mga tagbalay iyang gisukna kon kinsa bang tawhana an ang gusto nilang ma-presidente? Diin, iya mismong nasuta nga inilog gyod kaayo si PRRD sa mga survey.

Ngano? Ania iyang tubag:

“Ang first reason yong feeling of safety. Pati yong mga madre, nakita mo na man, kung paano idini-disrespect na ni PRRD si Pope natin, pati Panginoon dini-disrespect, eh! Pero may kinausap akong mga madre. Sabi ng mga madre, ‘Duterte kami!’. At tinanong ko sila kung bakit?”

Diin ilang tubag: “Yong feeling of safety, kahit anong oras uuwi ka, safe na safe ka. Unlike in the past, na dadaan ka sa eskinita takot na takot sila dahil maraming nakahubad, mga drug addicts.”

Usab, sa usa ka online interview, Pebrero 8, 2025, siya mipadayag nga wala siya magmahay pagsuporta kang PRRD. Matud pa niya: “Never, never! I don’t regret supporting him.”

Haskang suyaa sa mga anti-Duterte ug anti-good governance vloggers. Ilang gipabahaan og nagkadaiyang pagsaway si Magalong sa social media. Dili na kuno sila belib ni Magalong. Pero ilang mga negatibong komento, gibanlas lamang sa naghagiyos nga mga positibong pagdayeg sa mga DDS netizens, kinsa misaludo sa kinasingkasing pamahayag ni Magalong, kinsa sama nilang DDS na-in love sab sa kahait-kaisog-kalig-on ug dilin madiktahang pagpamunoan ni PRRD.

Busa, ilang gipakpakan ug gihangop: “Welcome to the club, Mayor Magalong!”