Usa ra igo na
Lisod kontrahon ang lig-ong baroganan o prinsipyo. Kay bisag tabangan kini'g bawog sa mga hiwi dili g'yud kini matarog. Hinunoa, magpabilng tul-id.
Sama sa gipakitang lihok ni Vice Pres8dent Sara ‘Inday’ Z. Duterte niadtong unang 2025 Office of the Vce President (OVP) budget hearing sa Kongreso nga iyang gitambongan, diin miprangka na siya daan nga iyang gipadaplin ang oportunidad-kahigayonan sa pagdepensa sa OVP budget pag-abot sa pinangutan-anay ug tinubagay nga hugna. Ug iyang gitugyan sa Balay-Kongreso ang paghukom sa maong gisumiter niyang budget proposal.
Unya nganong mangasuko man ang mga berdugong kongresistang kon nagmatinud-anon si Inday pagtuman sa unsa nay gipasiuna niyang pahibalo? Tungod ba kay napugngan ang daotan nilang laraw?
Sa ikaduhang 2025 OVP budget hearing wala motungha si Inday. Pero sa ikatulo, mitambong siya. Atubangan sa mga kongresista, iyang giklaro nga kining maong hearing dili bahin sa sayop nga paggamit sa pundo. Kondili, pagdaot sa iyang kredibiilidad ug sa OVP aron mapugngan ang umaabot nga panagribal sa pinilay. Siya miprangka, nga naa ra sa komite ang pagdesisyon sa budget proposal. Kay sa tinuoray lang, ang tumong nila mao man ang pag-umol og kaso aron siya ma-impeach.
Wala na taposa ni Inday ang maong hearing human gibalibaran iyang hangyo nga hunongon na ang inquiry bahin niini. Sanglit, sa unang hearing pa lang, nahatag-natubag na man sab niya ang tanan. Nananghid siya sa committee chairman ug gitugotan.
Ug nganong gikasakit man sa mga itoy ni Martin Romualdez ang wala na pagtunga ni Inday sa OVP budget plenary hearing sa Kongreso, September 23-24, 2024? Dili ba gitugyan na niya sa Kongreso ang pagdesisyon? Dili ba, ang usa ka sulti igo na alang sa usa ka mat-ang tawo?
Si Inday nailhan na sa iyang pagkamatinud-anon. Kon unsay nabuhian sa iyang baba, iya g'yud kining tumanon. Dili sama nila ni Bongbong ug Martin nga lami kaayo manulti pero dili mao ang gibuhat. Hinungdan, nga nangatakdan usab ang mga nahigtan sa liog nilang mga kongresista.
Kutob sa mga hipokritong mibangga ni Inday mao hinuoy nahukasan sa ilang maskara ug nabulgar ilang pagkakorap. Kini nagmatuod lang, nga wala gyoy hiwi nga makabawog-lupig sa usa ka tul-id nga mangangalagad.
- Latest
