Panaw sa Adbiyento: Risgo

Sukaranang  Teksto: Lk. 1;26-38

Sayud si Maria sa dakong risgo kun siya mosanong aron mamahimong Inahan bisan wala pa siya maminyo. Ang tino nga silot mao man ang kamatayon pinaagi sa pagbato. Dugang pa gibati pud niya ang kalibog ug kahasol. Unsaon man tuod pagkahimong mabdos kun wala siyay kasinatian sa usa ka lalaki apan human niya madungog ang pagpasabpt sa anghel ngadto kaniya manggihatagon siyang nagkanayon: “Sulogoon ako sa Ginoo mahitabo unta kanako ang imong gipamulong!”

Sa atong panaw atong hinumdoman kining mosunod:

1.  AWARENESS diin ang Ginoo nilihok mga pamaagi nga usahay lisud sabton. Usahay ang gikinahanglan dili man ang pagtugkad sa misteryo kondili ang pagsinati niini ug pagsulod sa proseso. Awareness pud sa mga internal movements natong hingtungdan.

2. UNDERSTANDING diin diha sa pagpatidlom sa mga panghitabo sa atong kinabuhi atong masabtan kun nganong failure kita sa ubang aspeto, nganong nalubong kita sa utang, nganong nahulog gihapon kita sa mao ra gihapong mga sayop ug mga sipyat. Tingali tungod kay nagdumili kita pagsabot sa mga hinungdan ug nagmagahi kita sa pagpitol sa atong mga inordinate nga kahilig. Sama gud sa addiction sa bag-ong mga cellphones. Ang atong bulsa niangal kay dili paigo ang iyang sulod apan ang dakong hipnotismo nga mosunod sa uso mao man ang nagpasulabi, nan, kuna tong tumanan antos ang resulta.

3.  ACTION TAKEN duha ra gyud ang mahimo nato either atong pilion ang tanyag o atong isalikway kini aron mahimo kitang malinawon.

Mga hagit

1. Anaa ang risgo sa matag desisyon nga atong pagahimoon. Apan sa dili pa kita morisgo atong himoon ang pagkalkulo ilawom sa landong sa reyalismo. Ug kun ugaling mopalyar gihapon kita ato kining himoon nga usa ka inspirasyon sa pagpaningkamot. Hinumdomi ang Roma wala matukod sa usa ka adlaw lamang.

2. Sa laing bahin, ang atong Mahal nga Inahan nirisgo sa iyang kaugalingong dungog ug kinabuhi gumikan sa iyang dakong gugma sa Dios. Dili kita angayan nga mahadlok sanglit kun ang Dios ang magsugo siya ang magpahimutang niini alang kanato.

3. Sa katapusan atong hinumdoman nga ang tanan dili finished product. Adunay proseso mao nga gikinahanglan pailob. Daghan ang nahimong bulilyaso tungod kay daghan ang dili gusto og proseso daghan ang gusto og short cut. Walay short cut sa kaluwasan. Maingon nga ang last minute repentance dili kasaligan.  Dili kita magpaabot sa last minute kondili molihok ug mamalandong kita every minute.