Hari sa smuggling
Upat ka tuig sa wala pa pasanginli ni kanhi Customs Intelligence Officer Jimmy Guban silang Polong Duterte, Mans Carpio ug Michael Yang sa P11 bilyones nga shabu sa magnetic lifters, giila na si Polong nga utok sa smuggling sa 186 ka pahina nga affidavit ni Arturo Lascañas, nikumpisal nga berdugo sa Davao Death Squad (DDS), para sa International Criminal Court (ICC). Pipila ka bahin sa affidavit nga gipublikar sa Vera Files:
• Gisugdan sa 2011 ang smuggling activities sa mga pantalan sa Davao City ubos sa sugo ni City Councilor Paolo Duterte ug pagtugot ni City Mayor Rodrigo Roa Duterte;
* * *
• Sa 2016, mga sinaligan sa smuggling sa Davao, Sigmund Barte Jr. ug Atty. Edward Dybuco, nga gibalhin sa pantalan sa Manila nihatag og pasalubong nga P1 milyon (P500,000 para nako ug ang laing P500,000 para ni Baste Duterte);
• Nitambong sa among tigom sa Promenade – Greenhills in San Juan City ang laing tulo ka opisyal sa Customs nga pulos ‘Freemasons brothers’ (akoy Lodge Worshipful Master sa Davao Masonic Lodge 149 dihang nagpasakop silang Polong ug Barte);
* * *
• Sa Nobyembre 2016, gipaila ko ni Sonny Buenaventura sa duha ka Filipino-Chinese nga negosyante gikan sa Cebu City nga dunay teknolohiyang makabuwag sa gisagol nga abono ug bugas nga gi-smuggle gikan sa China;
• Nangayo sila og proteksiyon sa “Davao Group” sa ilang operasyon sa Davao, Cotabato ug Cagayan de Oro, maong akong gipaila sa mga sinaligan sa Manila;
• Dihang gipangutana ko ni Mayor RRD kinsay apil sa smuggling sa bugas humay ug asukar ni Polong, akong giila silang Michael Yang nga girepresentahan ni Randy Usman (iyang deputy mayor sa Maranao Tribe sa Davao City), Stuart Santiago, Mary Abdul, Daniel Tan, alyas Davidson Bangayan, ug Mark Suico;
* * *
• Gipasidan-an ko ni Mayor RRD sa Binisaya: ‘Basta Tor ayaw gyud ipabantang si Polong sa mga taga-BOC nga kaoban ninyo sa grupo. Ok ra na buhi-buhi ra mo. Kung naay bolabog stop dayon, deny tanan, ako na bahala mo Salida;’ ug tuod man
• Dihang gi-imbestigar sa Senado ang rice smuggling sa 2014, niatubang si Mayor RRD, nitulisok ni Davidson Bangayan nga maoy rice smuggling king nga iyang gihulga nga patyon.
* * *
- Latest
