Ginadiling drugas ug ang kademonyohan niini

Nahimong suliran ang ginadiling drugas kaniadto pa. Gani, dili kini mahitungod sa ginadiling drugas kondili lakip na sab sa mga suliran sama sa narco-politics, kriminalidad ug uban pa. Ang adiksiyon sa illegal nga drugas maoy nakapahimo sa adik nga mopatay, mangawat, manglugos ug uban pang mga binuhatan nga makahatag og kalisang, kagubot, ug kawalay kapaingnan ingon man kapintas.

Ang pamaagi sa drug war diin daghang mga kinabuhi ang nakalas dili man sulbad sa pagsumpo niini. Padayon kining maong liyok kun cycle kun ang mga dagkong tawo nga nipaluyo nining maong patigayon ang padayong nisuporta nunot usab ang pagsuporta sa mga politico nga nagsalig usab sa kita gikan ning maong patigayon.

Nga sa ato pa, padayon gihapon kining maong suliran ug gikalipay kaayo ni og dako sa mga demonyo nga espirituhanon ingon man sa mga demonyo nga ania dinhi sa yuta. Mahimong mabutang ang atong maayong panghunahuna sa kakuyaw kun mogamit o magpaulipon kita sa ginadiling drugas.

Ang delusions, hallucinations, nahitabo sanglit dunay mga drugas sama sa hallucinogens ang makahimo og energetic shifts of consciousness. Kining maong kahimtang mamahimong abli ug vulnerable kita sa impluwensiya sa demonyo.   Sa kaulahian ang atong pag-uyon nga maulipon sa ginadiling drugas sa atong kinabuhi ang maghimo man sa demonyo nga kuyog niini ang pagbilanggo kanato sa iyang gamahanang impluwensiya. Unsay angayan nga himoon?

1. Likayi ang makadaut. Ang illegal nga drugas walay kaayohan nga natampo sa imong panghunahuna ug kinabuhi.

2. Mabutang nimo sa kakuyaw ang imong pamilya ingon man ang imong kaugalingon. Busa pag-ampo sa kanunay ug pokus diha sa pagpalambo sa imong relasyon sa pamilya ug sa katilingban.

3. Likayi ang mga tawo nga mahimong instrumento sa paggal gal nimo aron mahimo kang sama kanila nga nabilanggo usab sa ginadiling drugas.

4. Pabilin diha sa presensiya sa Dios mao nga pag-ampo ug dawat sa mga sakramento.

5. Ug kun ikaw o dili ba sakop sa pamilya ang dunay sintomas sa adiksyon sa ginadiling drugas, nan, patabang sa mga rehabilitation centers.

6. Ayaw pagpakawala sa paglaum. Hinumdomi si Berta ng ana viral gumikan sa iyang kahimtang gumikan sa illegal nga drugas ug giunsa niya nga nahimo siyang naluwas ug nahimong mapuslanong tawo karon. Dili pa ulahi ang tanan!