Fr. Justine AI Priest

Naukyab ang Simbahan sa pagtumaw niining AI Priest nga si Fr. Justin. Ang tirada mao man ang apologetics. Ang iyang ngalan sa akong pagsabot gisunod sa ngalan ni San Justino kun St. Justin usa ka martir gumikan sa pagpanalipod sa pagtuo.

Matud pa sa usa ka komentaryo:  Naming him after the martyr St. Justin is a disgrace!  Daghan kaayo ang mga kabalaka nga nitumaw. Unsaon na lang kaha kun ang mga tawo nga buhi ang pagailisan na lang og mga Artificial Intelligence generated nga mga makina o kahimanan.

Nga sa ato pa, ang tawo gi define according sa function ug dili sa iyang bili? Laing pangutana:  Can AI Transform Religion?  Ug asa naman kita padulong isip simbahan ug katawhan sa Dios kun kining pamaagi ang atong gamiton ug sundon sa atong pag ebanghelyo?

Alang sa nagpasiugda niini, ila kining gituyo aron sa ingon mamahimong appealing ngadto sa mga kabatan-onan ang pagtuo pinaagi ning maong virtual apologist. Hinuon ilang gitataw nga dili gyud mahimong hulipan ang matuod ug mga tawo nga mga apologists.

 Sa laing bahin kun kining maong pamaagi ang mosibaw pohon mamahimong mawad-an na og panginabuhi ang si bisan kinsang tawo. Mabulahan ang mga kapitalista apan mamahimong alaut ang yanong mga tawo nga nanginabuhi adlaw adlaw aron mabuhi.

Kining maong pamaagi sa akong pagtan-aw gipasibo sa pragmatic ug utilitarian nga panghunahuna. Nagkinahanglan sila og efficiency apan ang pangutana kun effective ba kini.

Kining maong talan-awon nakapahinumdom Kanako sa film nga Priest. Diin ang usa ka pari sa wala pa siya makig-asdang sa mga bampira ang nikompisal una sa usa ka digital confessional. Unta dili kita moabot ning maong puntoha sa atong panaw sa pagtuo.