Inflation vs. People s Initiative

Alang kanatong mga senior citizens nga nagsubay sa mga panghitabo karon sa atong nasud, kining kaguliyang sa politika, diin ang atong mga leader wala ug dili magkasabot (ambut ngano), nakasiak kini sa Pilipino, ug na-sakripisyo ang pangalagad publiko.

It seems nga matag usa kanila adunay kaugalingon nga agenda, most often, personal,  hinungdan nga dili sila magkasabot tungod kay magkalahai man gayud ang ilang mga tumong ug tinguha sa kinabuhi, labi na kon mo-gimaw na ang giingon nga  greed for money, power and fame.

Taliwa niining tanan, unsa may main concern sa  taong bayan,  sa ordinary Pinoy in the streets? Cha-cha ba? Sa una natong mga lindog, nangutana kita kon ang Cha-cha makapa-P20 ang kilo sa bugas, ug makahupay ba sa gipanggutom nga Pinoy?

Sa labing uwahi nga survey sa Pulse Asia, giingon dinhi nga:  Seven of every 10 Filipinos disapproved of the government s action to rein in inflation, considering the need to control the rising cost of basic commodities the most urgent national concern.

So, sa matag napulo ka Pilipino, pito niini (o kanato) wala mauyon sa gihimo (kon duna man) karon sa gobiyerno pagsulbad o pagbatok sa inflation, kon kining pagsaka sa prisyo sa mga palitunon, labi na ang prime commodities, sama sa pagkaon.

Matud pa, ang pagpugong o pag-control sa inflation, maoy nakakuha sa labing taas nga disapproval rating, 73 % sa tanang mga issue nga gihan-ay sa survey. Ug 9% lang ang miuyon sa mga lakang sa gobiyerno pagsuldad sa inflation.

So, grabe ang public sentiment batok niini. Apan, nag-unsa man karon ang atong mga leader? Nag-unay, inay mag-usa. Most probably, nag-iyahay og  palusot  sa personal nilang mga agenda ug intereses.

By the way, ang headline sa The Philippine Star mahitungod niining maong isyo sa inflation:  Disapproval of government handling of inflation hits 73 percent,  sa ato nang nadaklitan paghisgot sa unahan.

Ubang mga concern nga matud pa,  issues deemed poorly addressed by the government were: Increasing workers  pay, disapproval of which rose to 36 percent; fighting graft and corruption (lisud ni), 33 percent; reducing poverty, 39 percent; ) and addressing hunger, 24 percent). Problema.

Masulbad ba kini sa signature campaign gipasiugdahan karon sa mga politico?

Gawas sa inflation, ang ubang mga isyo nga nakadawat og less than 50 percent approval, naglangkob ning mosunod:  Creating more jobs with 45; addressing hunger with 41 percent; increasing the pay of workers with 34 percent, 24 percent.

Again, taliwa niining bug-at nga mga suliran, nga nag-ung-ong sa atong mga tugkaran, nag-unsa man sila? Nagpa-pirma, in the guise of People s Initiative (nga dili  people  maoy nag-initiate), aron i-revise, rewrite, o i-dismantle ang 1987 Constitution.

Ug pulihan sa matang nga Konstitusyon nga mohaom sa ilang kagustohan ug mga tinguha.

Nagdali sila, dili makahuwat sa mga eleksiyon sunod tuig ug sa 1988.

Unsa may atong unahon, pagsanta sa inflation, o pag-Cha-cha? Adunay sugyot nga  somebody should put a  STOP  to all these shenanigans.  Kinsa man ni siya?

(Shenanigans: a devious trick used especially for an underhand purpose; tricky or questionable practices or conduct).