Return of Investment

Maayong Balita

Ang atong ebanghelyo karon nagsaysay sa mga sulugoon nga gihatagan og puhonan segun sa ilang katakus.

Ang duha ka mga sulugoon dunay ginansiya nga nahimo gikan sa ilang puhonan samtang ang usa igo lamang nitago sa gipiyal kaniya tungod sa kahadlok sa iyang agalon.

Wala kini gikalipay sa iyang agalon. Butang nga nakadala kaniya ngadto sa kaalot.

Gikuhaan siya sa tanan ug ang ang naa kaniya gihatag ingon nga incentive sa usa ka sulugoon nga nakahatag og mas dakong ginansiya ngadto sa iyang agalon.

Kay ang anaay iya dugangan pa, ang adunay diyotay nga iyahan kuhaan pa.

Kun sa unsang paagi gi-invest nila ang puhonan wala ta masayud kun gikan ba sa minatarong ug sa dinautan ang mahinungdanon alang sa agalon nga duna siyay ginansiya!

Kasinatian

Nadungog nato ang termino nga ROI kun Return of Investment.

Termino kini sa mga negosyante nga human makabubo sa ilang Kapital ang magpaabot gyud og tubo kun interest.

Ingon ini ang patigayon apan sa mga mata sa Dios duna siyay gihatag kanato nga mga puhonan ang tulo ka mga Ts kun Time, Talent, ug Treasure.

Unta ang Time atong i-invest sa pag-alagad sa tawo nga hulagway sa Dios.

Ang Talent diha sa paghimaya sa Dios ug ang Treasure atong gamiton sa pagpaambit kanila nga nanginahanglan.

Lihok

Kun dasig kaayo ka sap ag-invest sa imong salapi himoang mas dasig ka pag-invest sa relasyon diha sa imong katilingban.

Pangamuyo

Tanan: Ginoo salamat sa imong mga gasa.

Amo kining gamiton alang sa imong kahimayaan ug sa kaalagaran sa tanan. Amen.