Pagpamalandong sa pribadong pagpadayag kun private revelation

Even if we or an angel from heaven should preach to you a gospel other than the one that we preached to you, let that one be accursed. (Gal. 1;8)

Atong hinumdoman nga ang definitive revelation mao man kadtong panahon nga si Jesu-Kristo ang bugtong anak sa Dios ang nahimong ug usa ug sama kanato. Tungod niini wala nay laing pagahimoong pag-usab sa bisn unsang moral ug doctrinal nga pagtulon-an sa Simbahan. Sukad kang Kristo hangtud karon, wala nay laing pagpadayag nga nahitabo. Nga sa ato pa, ang bisan unsang pagpadayag kun revelation human sa atong Ginoong Jesu-Kristo ang pagaisipon nga Pribadong Pagpadayag kun Private Revelation.

Ang nahitabo pananglitan sa pagpadayag ngadto kang St. Faustina sa Diosnong Kalooy mahimong sabton nato nga pahinumdom sa pagtulon-an sa ebanghelyo nga nahimong haom sa panginahanglan sa panahon. Kun ang Dios modasig kanato nahitabo lamang kini sa paagi sa inspirasyon nga gihatag sa Dios alang kanato nga atong buhaton ingon nga tawo. Sama pananglit ni San Hannibal Maria di Francia, nadasig ug natandog siya sa ebanghelyo ni Mateo 9:38 ug Lukas 10: 2 nga nagkanayon:

“Pag-ampo kamo sa tag-iya sa anihon aron magpadala siya og dugang pang mga mamumuo nga moani niini. Ning maong inspirasyon nahimugso ang karisma sa Rogate ug ang apostolado ug misyon sa pag-ampo alang sa Bokasyon. Nga sa ato pa, ang Dios dili mopadayag sa iyang mensahe pinaagi sa:

1. Locutions (mga pulong nadungog) usahay moresulta kin isa automatic writing. Magsulat sa mga mensahe nga kuno nadungog sa usa ka mystic ingon tang pulonga.

2. Visions (Mga aparisyon nga atong nakita).

Ang Dios dili na kinahanglang makigkukabildo kanato ginamit ang mga pamaagi nga atong nahisgutan sa unahan. Kini tungod kay ang mga kahimanan aron kita motubo sa pagtuo gihatag naman daan. (Balaang Kasulatan, ang Pagtulon-an sa Simbahan, ingon man ang mga Sakramento). Ang mga santos sa tanang katuigan ang naghatag naman kanato sa mga lagda kalabot niini kang kansang tumong nila aron kita mamahimong balaan.

Ang punto mao nga ang Simbahan dili dayon mohatag sa iyang pagdason pinaagi sa paghimo og positive pronouncements kalabot sa pribadong pagpadayag kun private revelations. Kini tungod kay mamahimong mas madaut ang kredebilidad sa Simbahan labina kun dili tinuod kining maong pagpangangkon.

Kini tungod kay ang yawa mao man ang prinsipe sa tanang bakak. Ang nahitabo aparisyon sa Fatima niadtong tuig 1917 ang nilanat man gyud og hataas nga panahon sa pagpamalandong una gihatag sa Simbahan ang iyang pagtugot. Sama sa nahitabo usab sa Birhen sa Guadalupe. Kinahanglan gyud ang pagka mabinantayon. Ang locution ni Sta. Faustina diha sa iyang diary ang nadasonan lamang sa dihang si Papa Juan Pablo Segundo mismo ang nihimo sa iyang pagsalmot sa proseso inabagan sa mga teologo. Busa ang pangutana mao:

Nahiuyon ba kini sa Sukaranang Biblikal, Doktrinal, Moral, ug sa mga Pagtulon-an sa Simbahan? Mahinungdanon ang pagtuon sa kagikanan sa bisan unsang kawsa ug tinguha sa dili pa ang paghimo og mga lakang gikan sa Magisterial nga pangagamhanan sa Simbahan.