Juan 3:16

Pagpamalandong sa Malangkubong kaayohan

Sa matag higayon nga saulogon ang adlaw sa mga kasingkasing ang mosantop gyud dayon sa akong hunahuna mao man kining ebanghelyo ni Juan Kapitulo 3 bersikulo 16.

Ang maong teksto nagkanayon: “Kay Gihigugma pag-ayo sa Dios ang kalibutan nga tungod niini gipadala niya ang iyang bugtong Anak  Aron si Kinsa nga motuo kanya ang dili gayud mamatay hinunoa makabaton sa Kinabuhing Tunhay!”

Ang pagsaulog sa Valentine’s Day dili lang mahitungod sa managhigugmaay.

Kondili ang kasaulogan niini nagpahinumdom man sa Dios nga maoy tinubdan sa Gugma ug gani ang Dios, Gugma Man!

Ug gani ang gugma sa Dios mao lamang ang Gugma nga nagpabilin matinud-anon ug malungtaron sanglit ang gugma usahay sa tawo, dili man molahutay ug mapul-anon.

Kining maong kasaulogan dili lamang mahitungod sa mga bulak o tsokalte.

Mahitungod kini sa pagpakita niining mga pulong I Love You pinaagi sa atong mga binuhatan ug pagkinabuhi.

 Sa laing bahin, kun dunay  adlaw alang sa mga kasingkasing aduna pud untay adlaw alang sa mga utok.

Ang tinuod nga paghigugma dili man lamang mahitungod sa pagbati kondili sa paghukom nga pilion ang paghigugma kaysa ang paglikay niini.  Unta adunay Brains Day pud. Aron ang gugma dasonan sa hunahuna maingon nga ang hunahuna dasonan sa paghigugma.  Happy Valentine’s Day!