Marcial

Dunay limit ang pag-usbaw sa abangan

Dear Atty. Divine,

Naa koy pangutana bahin sa kontrata sa pagpaabang sa apartment.

Duna koy tulo ka pamilya nga nag-rent niini.  Kada bulan ang ilang pagbayad.

Plano unta nako nga umentuhan ang abangan kay misaka na sab ang buluhisan ug ang tanang mga palaliton.  Kun magpa usbaw ko sa abang pila man ka percentage ang gi allow sa atong balaod? Mamahimo ba nga magpa increase kada tuig? Daghang salamat.

Laura

* * *

Dear Laura,

Basi sa Rent Control Act of 2009, mamahimong mopausbaw sa abangan ang tag-iya basta dili lang mosobra sa 7% matag tuig so pwede ra nga matag tuig mo mopausbaw basta dili mosobra sa 7%.

Apan sa dili pa ninyo ipatuman ang usbaw, kinahanglan nga pahibaw-on gyud ang nag-rent ug iapil gyud sa inyong kontrata nga matag tuig mopahamtang ka og usbaw basta dili lang mosobra sa limit nga gitakda sa atong balaod. Thank you and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.