Lying-in facilities, muling binuksan para sa ProudMakatizen Mommies!

Muling binuksan ang mga city-owned lying-in facility sa Makati upang mas mapalapit ang mga serbisyo sa #ProudMakatizen mommies.

Alinsunod sa DOH guidelines, ang ating lying-in faci­lities ay bukas ng 24/7 at tumatanggap ng mga buntis na kabi­lang sa mga sumusunod na kategorya: Low-risk pregnancy; May edad na 20 to 34 years old; Pangalawa hanggang pang-apat na pagbubuntis; Thirty seven weeks hanggang 39 weeks nang buntis; at, Walang record na dating inoperahan sa matris o komplikasyon sa pagbu­buntis.

Mas mabuti kung ang #ProudMakatizen mommy natin na magpapa check-up ay miyembro ng PhilHealth at may­roong Yellow Card mula sa lungsod.

Mas mapapabilis kasi ang proseso ng panganganak at wala na pong babayaran kung kayo ay Yellow Card holder.

Ito ang mga serbisyo na puwedeng i-avail sa lying-in clinics: 1) evaluation/pre-natal checkup; 2) normal delivery; 3) post-partum check up; 4) newborn screening; 5) family planning counseling.

Safe na safe po ang ating lying-in facilities dahil puro OB-GYN doctors ang naka-duty sa mga sumusunod­ na clinics: East Rembo Lying-in Clinic, 0969-514-4620, 23rd Ave., Bgy. East Rembo; Bangkal Lying-in Clinic, 0961-684-4317, 1126 Rodriguez Ave., Bgy. Bangkal; at Guada­lupe Nuevo Lying-in Clinic, 0969-354-5343, La Consolacion St., Bgy. Guadalupe Nuevo.

Ang mga manganganak ay ina-admit sa clinic kapag sila ay nagla-labor at mahigit 4cm na. Kinakailangang mag-stay ng 24 hours for observation ang nanay at bagong panganak na sanggol.

Sumasailalim na rin sa newborn screening ang mga baby bago sila i-discharge mula sa lying-in facility. Gusto naming masiguro na healthy ang baby bago sila pauwiin.

Kapag may nakitang hindi maganda ay paiiwanan pa sila ng ilang oras hanggang ma-address ang problema.

Bilang isang ina, gusto ko sanang paalalahanan ang mga mommies natin na dapat regular ang check-up para pangalagaan ang kanilang reproductive health. Hindi dapat na kung kailan lang buntis ay saka lang kukunsulta sa mga eksperto.

Ang mga lying-in centers ay nandiyan para kayo ay gabayan at turuan ng tamang methods ng family planning at birth spacing.