Child support gihunong sa amahan

Dear Atty. Divine,

Separated ko sa akong husband since 2017. Mi file ko og annulment in 2019 and during the process the court has ordered him to give support to our daughter. At that time, the court ordered him to give a monthly support of P 5,000.00 kay naa man siyay work. At first, he was religiously sending his support but pagkasakit sa iyang mama mihunong na siya sa paghatag og child support hangtud karon. Karon ang among anak mo-eskwela na karong bukas sa klase. Pwede pa ba nako magamit ang Order sa korte aron siya mapugos sa paghatag og suporta?  — Claire

* * *

Dear  Claire,

Pwede gyud ka nga makapangayo og suporta sa amahan sa bata kay basi sa balaod, ang ginikanan sa bata obligado nga mosuporta sa tanang panginahanglan sa anak, ug mao kana ang nalatid sa Art. 194 of the Family Code, nga nagkanayon: “support comprises everything indispensable for sustenance, dwelling, clothing, medical attendance, education and transportation, in keeping with the financial capacity of the family.” Samtang kadtong higayon nga napakyas siya sa pagpadala og suporta mamahimo kadto nga imo usab nga paninglon sa amahan ilabi na kay ang korte mismo ang nagmando kaniya. Apan karon kay dako na man ang bata ug nagsaka sab ang iyang panginahanglan mamahimo nimo nga i-adjust na sab ang amount sa iyang suporta ilabi na kun ang amahan nagtrabaho. Ang suporta magdepende man gud sa panginahanglan sa bata ug sa kapasidad sa mohatag. Ang una nimong buhaton karon mao ang pagpahimo og demand letter gikan sa abogado ug ipadala sa amahan sa bata kun dili niya tagdon mamahimong modangop ka pagbalik sa korte nga maoy nagpagawas sa maong order for support. Thank you and God Bless. — Atty. Divine

* * *

Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.