Salamat kayo

Abi man gud to nako og mahuman na ang among relief operations mao nga nagsugod na lang pud ko og ayo sa mga guba sa akong parokya.

Mga atop akong gipang-ilisan sa Locaylocay Building. Ang saksak nga atop niini mora’g lisud na gyud balikon pa.

Maayo na lang gani kay gumikan sa hinabang nilang Auntie Brenda ug Uncle Joel inubanan nilang Kuya Jeff and Ate Chona nagpadala sila og igong salapi aron magamit sa pagpaayo niini.

Salamat na lang sab pud sa usa ka tag-iya og hardware nga nitabang pud alang sa mga additional nga dapat ingon man plywood nga ihinabang dili lang nako kondili apil na usab ang akong mga parokyano kang kansang mga balay nangaguba gyud tawon panahon sa bagyo.

Kapin sa mga 2,000 ka mga plywood ang naapod-apod. Duna pa sab koy gipaabot nga hinabang gikan sa Rotary Club through sa effort ni Atty. Trani.

Salamat gyud kaayo sa Dios tungod ning maong panahona nga bisan sa kahagip-ot duna gihapon kitay nahimo alang sa atong mga igsuon nga mas nagkinahanglan pa kay kanato.

Ang pagkamapasalamaton wala lang mohunong diha sa atong pag-ingon og Salamat kun thank you. Hinunoa ang atong pagpasalamat kinahanglang atong ipaagi pud sa atong konkretong buha diha sa pagkamanggihatagon.

Sense of fulfillment ang atong bation inubanan sa sense of belonging kanila nga gitabangan nato. Wala lang kita nanghinan-aw niini hinunoa kita nibati sa dakong panginahanglan sanglit kitang mga tawo usab sama sa uban naapektuhan.

Sa tanang nitabang material man o kusog Salamat kaayo. Kun dili pa tungod ninyo dili unta kami makatabang sa uban. Daghang Salamat!  Ang Dios ra gyud ang mobawos!