Quotable quotes

“Humanity would not progress until we understand what old age is about and what human beings should use it for.”  Alang nako, maayo ning kapanaminan sa ato karong generation nga medyo wala na mo-value sa pagkamapuslanon pa sa mga senior citizens. Alang nila ipadaplin na lang ta.

Padayon:  “We need them (the seniors) because some of them are troves of wisdom but we have cast them aside because we think they would not be in step with the times.”

Unya:  “There have been in the past such older persons whose contributions to humanity have been invaluable precisely because of their age.”  Bitaw, nia ra bay ubang mga senior citizens nga sa nagkataas ang panuigon, nagka-sharp ug nagkalantip ang ilang salabutan ug mga panghunahuna.

Mao bitaw nga sila si kanhi Rep. Artur Yap ug kanhi Senador Loren Legarda mopasar sa  mga balaudnon nga magtugot sa mga senior citizens nga masakop sa legislative bodies sa mga LGUS, kay matud pa, ang wisdom ang maturity ug ang experience sa mga senior citizens daku kaayo’g ikatampo pagpanday sa mga ordinansa ug resolusyon nga segurong makahatag og kaayohan sa katawhan. Dili na kini sila mamolitika, ug tapus na alang kanila ang pagpalambo sa ilang kaugalingon, ug ang personal nga ambisyon, ug mao lay mopatigbabaw ang pag-alagad, period.

Atong kutluon pag-usab dinhi kining provision sa Sec 5 (a) Art. 13 sa RA 9994 kon Expanded Senior Citizens Act of 2010 nga nagkanayon:  “Senior Citizens who have the capacity and desire to work, or be re-employed, shall be provided information and matching services to  enable them to be productive members of society. “

Pag-acknowledge kini sa atong balaud sa katakos, kon hatagan og higayon, sa mga senior citizens nga mahimo pang productive nga sakop sa katilingban, nga aduna kitay pulos nga mga molupyo ning atong nasud.

Magpasalamat kita nga gi-ila sa mga nagpanday sa RA 9994 nga dili pa laus ang mga senior citizens sa atong nasud. Nga ila pa kitang kapahimuslan.

Gani ang atong Konstitusyon nagkanayon nga: “It is the duty of the family to take care of its elderly members, while the State shall design programs of social security for them.”

So, karon atong nakita nga wala kita pasagdi sa atong gobyerno. Dinhi lang sa atong dakbayan, kining financial assistance matagbuwan, daku  kaayong alibyo alang kanato, ilabina niadtong nag-maintain na og mga tambal.

Ug subay niining mga Constitutional provision, pipila sa mga dagkung katuyuan sa RA 9994 mao ang pag-recognize sa mga katungod sa senior citizens nga mahimutang sila sa tukma nga pagkabutang sa katilingban ... right place in society.

“To give full support to the improvement well-being of the elderly, and  to motivate and encourage the senior citizens to contribute in nation-building.”

Mao nga niining atong pagsaulog sa Senior Citizens Month, ang tema nga napilian sa Office of Senior Citizens Affairs (OSCA) mao ang  “Senior Citizens: Kaabag sa pagpalambo sa Dakbayan sa Sugbu.”

Nga aduna pa kitay ikatampo pagpalambo sa atong dakbayan. (Ang mga quotable quotes gikan sa column ni Carmen N. Pedrosa, The Philippine Star).