Gustong ipabilin ang apelyido sa pagka dalaga
Dear Atty. Divine,
Naminyo ko last year ug wa pa mi anak. Apan hangtud karon wa pa nako usba ang akong apelyido sa akong mga ID lakip na sa akong passport.
Ang akong pangutana kun mamahimo ba nga padayon nakong gamiton ang akong apelyido sa pagkadalaga bisan kon ako minyo na? Daghang salamat.
Nida
* * *
Dear Nida,
Basi sa Art. 370 sa atong New Civil Code, dili obligado ang usa ka minyo nga babaye nga mogamit sa apelyido sa iyang bana.
Gihatagan siya og option sa maong balaod sa paggamit sa iyang naandan nga apelyido sa pagkadalaga o sa paggamit sa surname sa iyang bana.
Busa kon gusto kang magpadayon sa paggamit sa imong apelyido sa pagka dalaga, mamahimo kaayo kini.
Apan kun mo fill up ka og mga dokumento kinahanglan nga imong ibutang gyud ang imong status as married. Thank you and God bless.
Atty. Divine
* * *
Alang sa inyong pangutana palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
