Mga senyales ang lawas kulang sa tubig (1)

Ang lawas gibanabana nga natibuok sa tubig nga 2/3 sa timbang sa tawo. Dili kita mabuhi sud sa pipila ka adlaw nga way tubig. Kun kulang sab ta sa tubig, daghan sad ang atong mapamati nga sintomas nga nagpasabot og kakulian sa lawas nato.

Kay mga selyula ug tisyu nagsalig sa tubig. Busa benepisyal kaayo ang  papel sa tubig sa kahimsog, sama pananglitan  sa mga mosunod;

* Makatabang nga mamintinar ang balanse sa likido (fluid) ug tubig…* Pagmintinar nga makontrol ang temperatura sa lawas…* Pagpadangog o lubrikasyon sa lutahan ug sa mata…* Proteksyon sa tisyu ug tangkugo (spinal column)…* Pagpagawas sa hugaw (waste) ug sa mga toksins…* Pagkontrol sa kaloriya…* Ug makatabang nga mamintinar ang kabatan-on kay ang panit hamison.

Ang kakulang sa tubig, mohunong ang trabaho sa mga sistima sa atong organ, gumikan kay ang lawas naglihok nga naugtas sa pagngagas sa singot.

Otomatik moubos ang lebel sa tubig nga kinahanglan mahulipan dayon , ang kakulangan ini, nga ibase sa rekisitos sa timbang sa lawas.

Ang kadaghanan sa tawo, wa kaayo ni kahatagig seryuso nga pagtagad, basta na lang kanus-a uhawon mao pay pag-inom, apan wa masayud nga aduna nay aberiya o bikil sa operasyon sa lawas.

Magkadugay nga ingon ini ang sitwasyon, motumaw ang daghang masinati nga sintomas, ug mga senyales nagpasabot nga angay ni dayon maaksyonan, ang kausaban sa istilo nga mahusto permi ang tubig.

* Makahupay sa naglabad nga ulo – Kun panahon nga manakit o molabad atong ulo sa unsa may hinungdan, tubig ray sulbad aron hapsayon o pakalmahon gikan sa kalibog ug tensyon sa stress. Kay ang utok kulang sa tubig, aron makaabot ang suplay nga hangin ug dugo, nga mopahapsay sa maayong kabuot.