Kasaligan ba si Bongbong?

Mao kini ang pangutana ni Atty. Mocring Barcenas. Angay’ng hinumdoman nga si Mocring, usa sa mga dagkong lider sa opposition dinhi sa Sugbo nga mibarug ug nakigbisog batok sa Marcos dictatorship.

Nangutana siya kun ang kasal-anan sa usa ka amahan dili ba mapasa ngadto sa mga anak. Si Senador Bongbong Marcos mapasigarbohong namahayag nga ang iyang amahan, was “the greatest president of this country.” Ngano man tuod nga mangayo man siya og pasaylo?

Matud ni Mocring, pag-declare ni Marcos sa martial law niadtong 1972, “the country reeled under the impact of massive human rights violations and the plunder of national economy by him and his cronies.”

Gisaysay ni Mocring ang mga atrocities panahon sa martial rule: “3,257 extra judicial killings, over 2,520 salvage victims, arrest and detention of 70,000 youth leaders, union organizers, peasant leaders, professionals, and the brutal persecution of known Marcos critics like Senators Ninoy Aquino, Pepe Diokno, and many others.”

Ang mga Marcos loyalist nangutana kun duna bay dili malalis nga mga ebidensiya pagmatuod, beyond reasonable doubt, niining tanang alegasyon?

Ang ato karon nga mga batan-on, wala na masayod niini, and perhaps, ang uban nato nga katigulangan nakalimot na tingali niini. Ang dictatorship, matud ni Mocring, “benefited, not only the dictator but also his wife (and cronies), and his entire family including Bongbong.

Unya, gi-reprint ni Mocring kining pamahayag ni Imelda Marcos nga napatik sa Philippine Daily Inquirer, Dec. 5, 6, 7, 8, 9, 1998 issues, nga nagkanayon:

“We practically own everything in the Philippines, from electricity, telecommunications, airlines, banking, beer and tobacco, newspaper publishing, television stations, shipping, oil, mining, hotels and beach resort, dozen to coconut melts, small firearms, real estates and insurance.”

Sa laktud, mao ra og sila ang nanag-iya sa tibuok Pilipinas. Ang giingon nga ill-gotten wealth sa mga Marcos, mi-jibe, mitukma sa findings sa PCGG kon Presidential Commission on Good Government nga ang estimated loot sa mga Marcoses, gibanabana nga mokabat og 10 bilyones dolyares.

Unya, usa ka Amerikanhong author, si Sterling Seagrave, mitumbok ni Bongbong nga usa kuno ka “spoiled child, a perennial adolescent who like guns and girls.”

One time, gipara si Bongbong sa New Jersey state troopers for speeding, ug nadiskubrehan nga nagdala siya og loaded nga armas. Apan, wala siya makasohi kay duna siya’y diplomatic immunity.

Pangutana ni Mocring: “After knowing the past, can we trust the future of this country to Ferdinand Marcos, Jr.?” Ang lungsod na ang motubag niini karong Mayo 9, 2016.