EDITORYAL – Plete nila bago sa tanan

Pwerteng hayahaya sa mga taga  Metro Manila nga magsakay-sakay sa Metro Rail Transit (MRT) ug Light Rail Transit (LRT) tungod sa libreng plete nga ilang gi-enjoy.

Ang libreng plete gipaagi sa subsidiya sa gobiyerno tungod sa kadako sa pletihan nga sumala pa angayan unta nga P54 matag ulo.

Apan nasayran nga P40 ang gisubsidiya sa gobiyerno sa kada pasaherong mosakay sa train service sa Metro Manila, ang tag P40 gikan kini sa buhis sa tibuok Pilipinas.

Kung mahinayon ang maong fare hike mas maka-save pa ang gobiyerno og P2 bilyones, kini nga kwarta mahimo nang magamit unta sa ubang basic services sama sa health, education, food security ug uban pa.

Duna pay problema sa maintenance sa operasyon sa maong mga pasilidad, tungod kay kung buot susihon og maayo,  alkanse na ang gobiyerno niini, way kita, gastohan pa.

Ang fare increase nga gipangayo average lang og P31 sa tanan (MRT3,LRT1 ug 2).

Ang kaniadto ang average nga gisingil sa tulo ka train services P18.33 ra.

Apan karon nagkisikisi ang mga commuters batok sa fare increase.

Ang ilang mga pasangil, ngano kunong ang mga opisyales sa gobiyerno minilyon ang gastos sa ilang mga biyahe local ug abroad.

Samtang dunay punto ang ilang pasangil, apan wa nila tan-awa og maayo ang kalainan.

Alangan man pud og ang presidente o ang mga kabinete pasakyon lang og traysikad ug pakatulgon og pension house?

Wa ba ni silay konsensiya nga  hasta ang mga kabus niamot sa ilang pletihan?