Mag-good news ta

Maghisgot tag news. Giingon nga ang good news dili maisip nga NEWS. Maoy hinungdan nga kanunay’ng mag-una ang mga sensational ug makapakitbi sa atay nga news: patay dinhi, patay didto; kawat dinhi, kawat didto, panaway dinhi, panaway didto; panglugos, panghikog, etc, etc. Mao kini ang atong balita.

Mosuway ta’g lili sa mga maayong balita nga sagad ilubong sa mga inside pages sa mga mantalaan o ibutang sa lain nga section … apan di gyud ma-banner headline, di gyud ma-front page.

Nangutana ko sa usa ka newsman ngano ni, ug iyang tubag: Unsaon, kun mag-developmental news ta, unya  atong ibutang sa front page, wala may mobasa.  Ug sa mga komentaryo sa radio ug sa mantalaan, wala sad kuno’y maminaw nimo kun dili ka manaway.

Mao na ni kita. Part na tingali ni sa atong kultura. Wala na tay mahimo ini. Kahinumdom ko pag-declare og martial law sa atong nasud, usa sa gi-promote sa media mao ang DEVCOM … development communication.

Gi-control ang media, ug pulos developmental ang atong mabasa ug madungog. Wala to magdugay tungod kay nidaghan na man ang bad news kay sa developmental.

Anyway, mag-developmental ta’g panagsa. Giingon dinhi, atong kutloon kining gikan sa Philippine Star: “Phl seen to grow fastest in SEA.” Nindot no?  Nga dinhi sa South East Asia, ang atong pagtubo, ang atong pag-usbaw maoy labing kusog ug labing dali. Mora’g di katuhoan. Wala kita maingon niini sukad sa atong pagkamatngon og buot..

Kinsay nag-ingon ini? Ang Deloitte Touche Tohmatsu Ltd.(DOLTTE GLOBAL). Sa ato pa, dili si Noynoy. “The Philippines is projected to grow faster than the entire Southeast Asian region over the next two decades,” matud pa. Sa ato pa, dili na ta “sick man in Asia.”

Unya:  “Thai SGD Group to make additional investments.” Ang Siam Cement Group sa Thailand naglaraw pagbubo og dugang capital dinhi sa atong nasud. “The company has confidence in the stability of regional markets, including the Philippines. The group expects continued growth in the Philippines with its thriving property and construction industry,”  pahayag ni Kan Trakulhoon, presidente sa SGD. Good news, di ba?

Lain pa: “Phl welcomes US plan  to import more Philippine mangoes.”  Nindot sad. Maayo unta’g mahinayon ni, kay maapil ta dinhi sa Cebu. Pagkakaron, ang mga mangga nga  i-import sa America, gikan sa Guimaras.

Unya, karong bag-o, kining balita: “Removal of Phl from USTR list to fan investor interest in Phl.” USTR: US Trade Representative Watchlist. Sa ato pa, wala na ta sa mga pagbantay sa America kun angayan ba kitang buboan og capital.

Giingon dinhi: “We expect heightened investor interest, particularly in industries fuelled by innovation, technology, creativity and design, ” matud ni Trade Secretary Gregory Domingo.  So, dako og epekto alang sa atong ekonomiya ug industriya ang  pagwagtang sa atong nasud gikan sa investment watchlist sa America.

Samtang nagpadayon ang corruption, dili nato i-ignore ang mga maayong kaugmaran sa atong nasud karon, bisa’g kontra tang Noynoy. Mag-DEVCOM ta!