EDITORIAL - Naglaway ang gigutom nga molupyo

Misamot kakutoy ang tiyan sa mga taga Medellin  nga buot untang motilaw sa mga  sardinas  nga  hinatag  sa VMLP apan  gipauli  sa  mayor  sa lungsod.

Wa na kuno ganahi  ang  mayor kay LP man ang  presidente  sa VMLP, nga  iyang kontra partido.

May  mga molupyo  kuno  sa maong  lungsod  nga nabiktima  sa bagyong  Yolanda  nga nangandoy  nga  makatilaw unta  og  hinabang  sa  kagamhanan.

Gigutom na  sila  kay  naguba  ang  ilang  balay  ug  nagsagol  ang  kaguol  ug  kahigwaos  sa  ilang kahimtang  karon.

Unya  may  hinabang  nga  miabot alang  kanila,  gipauli  man  sa mayor ngadto sa naghatag  niini.

Tingale  sa pagtuo  sa mayor  nga alang  kaniya  ug  sa iyang  pamilya  ang  maong mga sardinas, hinungdan  nga  sayon ra kaayo  niya  kining  gisalindot.

Kini  nagumikan  kay wa siya  tagda  sa gobernador ug bise  gobernador hinungdan  nga  nangluod  siya  ug nawad-an  na siya  og  gana pagdawat  sa mga  hatag  sa laing  partido.

Apan  kun wa siya  gutoma, iangin  diay  niya  ang  mga  tawo sa lungsod  nga  gigutom  ug buot  mokaon  sa sardinas  nga  hinatag  sa VMLP?

Ang usa ka tinuod  nga amahan mas maayo  pang  siya’y gutomon  nungka   ang  iyang  mga anak

Hinuon  sa nanghatag  niining 20 ka karton  nga  sardinas, nganong di man kini ideretso og tunol ngadto  sa mga  biktima?