EDITORYAL - INC wa mamolitika sa ilang medical mission

Nakabantay ang  mga  opisyal sa kagamhanan sa Metro Manila sa  kalihokang medical mission  sa Iglesia ni Cristo bahin  sa ilang programa  nga  Kabayan  Ko, Kapatid Ko  busa  gisuspenso  niini  ang  klase  sa tanang  ang-ang  sa tulunghaan didto  sa Metro  Manila.

Usa  sa ilang  nabantayan  mao  ang  kahuot  sa trapiko  sa maong  higayon  kay  napanid-an  na  nga  sa matag  kalihokan  sa INC, madaot  gyud  ang  dagan  sa trapiko.

Usa  niini  kadtong  medical mission  nila  sa Cebu  sa miaging  mga  buwan  nga  wa kapangandami  sa mga tinugyanan  sa trapiko, busa daghan  kaayong  naangin  nga  wa makauli  og  sayo  sa ilaha  kay  nalangan  sa kahuot  sa trapiko.

Sa  Manila may  mga  nagduda  nga  pamolitika  kining  mga  kalihokan  sa INC.

Unya  unsaon  man  pagpamolitika  nga wa man kay makita  nga INC  nga  mayor, konsehal, gobernador, kongresista ug senador.

Kun ang INC  moserbisyo  alang sa tanan,  kini  usa ka kinasingkasing  nga  halad nila  sa ilang isigkatawo nga  wa magpaabot  nga  bayran  sila.

Bisan  mga  kabus  ang  kasagaran kanila, apan  sa ginagmay  nga amot, matigum  nila ang  tanan  nga sarang nilang  magamit  sa ilang  mga  kalihokan.

Matag kalihokan  sa INC, ila kining  kaugalingon nga wa mag-agad og  tabang  sa politiko busa way makatulisok kanila. Ambot kaha  ang  mga  politiko wa bay natabang ang INC kanila?