EDITORYAL - Cebu naduhig sa gipalusot nga mga sungay

 Ang Ivory Worship kon pagsimba sa sungay  sa elepante nahimong komon dinhi sa Pilipinas isip usa sa mga teritoryo sa relihiyong Katoliko.

Di  kini usa ka bag-ong butang  tungod kay  ang sungay sa elepante nga ivory usa lamang  sa mga materyales sa  mga imahe o santos  nga gisimba  sa mga Katoliko, giludhan adlaw ug gabii tungod  sa gahum  niini  nga sagrado kaayo.

Bisan  kun  wa matino  kun  haing materyala  sa mga imahe  ang  gamhanan  kaayo, ivory, kahoy, semento, bato, apog, puthaw ug uban pa? apan  ang  labing seguro bisan  unsang materyala  sa ngan  nga  kini gikulit  sa dagway  ni bisan kinsang santos, giila  kini  sa mga Katoliko  nga sagrado  sa gahum.

Sa panahon  nga  yukboan  kini  nila ug pangayoan  og  tabang alang  sa masakiton, trabaho, kuwarta ug uban  pa makapaabot  sila  og  tubag  nga makapatagbaw.

Busa  bisan  unsa  man kana  siya, makahoy, maputhaw, masemento, apog, sungay sa elepante  ug  uban pa, way gikabalak-an  ang  Katoliko, kay ang  gahum niana wa sa iyang materyal kundi anaa  sa iyang  ngan nga may bendisyon  sa kaparian.

Ang  nakaanindot  sa santos  kay  human  mabendisyonan, mas labaw pa og gahum  kay  sa  nagbendisyon  niini.

Apan sa front page  sa Cebu Daily News sa gula  niini sa Septiyembre 25, 2012, maayong  pagkapagan  ang Cebu  nga  usa  sa tigdawat  sa  mga  pinayuhot  nga sungay  sa elepante  gikan  sa China.

Busa nagproblema  karon  ang  kagamhanan  sa Africa  tungod kay  nag-anam kaitus  ang  ilang  elepante   gumikan  sa kakusog  sa  pagpamatay  niini mugna   sa  mga smuggler og sungay  nga  Insek, unya saw-on  usab  sa inilang pari  nga maoy giingong “best ivory collector  dinhi sa Pilipinas nga mao  si Msgr. Cristobal Garcia.

Unya  giingon  nga  gikan  kang  Msgr. Garcia, paliton  usab  kini  sa mga negosyante og santos  nga taga Cebu aron kuliton , himoong dagway, bukton, bitiis  ug uban  pang  bahin  sa lawas  sa santos  ug  inigkaporma  na medyo  mahal-mahal ang presyo  tungod  kay  gawas  nga  imported, pure pa gyud kaayong ivory.  Ang elepante binuhat sa Dios, apan mas gisimba  sa tawo ang  sungay niini  kay sa Dios  nga  nagbuhat sa maong hayop.