2nd Cebu City Senior Citizens Barrio Fiesta

Gitambongan sa kapin sa 500 ka senior citizens ning dakbayan. Ang Ikaduhang Barrio Fiesta sa mga senior citizens nagmalampuson, uban sa tema: Reminiscing brings back happiness! Reenacting gives more wellness! Ang pagpakli sa kagahapon maghatag kanatog balik-kalipay – ang pagbuhat-subli niini, makahatag og kahimsog sa panglawas.

Mao kini ang nahitabo sa barrio fiesta sa miaging Mayo 27 – gibanhaw ang kagahapon pinaagi sa giingon nga past fads of the decades - kanhiang mga awit, sayaw, ug mga saput – ug pagkorona sa Matron Queen. Gipasiugdahan sa FSCAP, Cebu City Chapter, pinangulohan ni Engr. Dodo Abella, ug ubang opisyales, Dr. Nick Maglasang, vice president; Pablo Tinga, secretary; Mary Aleonar, treasurer; Flor Pesquera, auditor; Jack Jaca, Vita Padilla, public relations officers; Dodong Casinillo, program director; ug Nick Ampatin, presidente de festijos.