Pagpa-annul sa kaminyoon

Daghan ang mipadala nato og email og nangutana labot sa proseso sa pagpa-annul sa ilang kaminyuon. Kasagaran nga magpa annul sa ilang kasal ang sagad gyud nilang ground kon basihan mao kining Article 36 sa atong Family Code kon kining gitawag og Psychological Incapacity. Busa kini nga pangutana ang atong tubagon karon.

* * *

Dear Atty. Divine Flores:

Good day to you and to all the avid readers of your column in Banat News.

I am sending you this email hoping to have legal advice from you regarding the process of annulment. I am 38 years old. I have been separated from my husband for more than 6 years now due to so many reasons and one of those reasons is his being a womanizer. He already has family of his own now with 2 kids with his present live in partner. I don’t have any interest to sue him because I considered it a blessing when we chose to separate ways because I realized that my life is better off without him. I am seeking advice on the process of annulment due to reasons that I can't afford to pay a private lawyer to help me process my annulment. What would be the procedures that would help me to start the process of such case without spending too much money?—Jenny P.

Jenny P.

Salamat sa imong pagbasa kanunay sa Banat News. Tinuod gyud nga gastos ning magpa-annul sa kaminyuon kay mogamit man ka og Abogado. Gawas nga mobayad ka og abogado, mobayad pa gyud ka og Psychologist kun ugaling ang ground sa imong Declaration of Nullity of Marriage mao kining Psychological Incapacity ug mobayad pa gyud ka og filing fee inigpasaka nimo sa imong Petition sa korte. Ang una gyud nimong buhaton aron masugdan ang proseso sa imong annulment mao ang pagduol og abogado aron iyang matun-an ang imong kaso ug iyang maandam ang imong petition. Kun dili ka maka afford og private lawyer mamahimo ka nga mosuway sa pagdangop sa Public Attorney’s Office kon PAO. Nanawag ko sa PAO miingon sila nga molaban sila og mga kaso sa yuta ug Annulment basta ang modangop kanila indigent kon pobre ug way ikagasto. Ang PAO na ang mo-evaluate kun kwalipikado ba ka nga makadawat og libre nilang serbisyo.

Hinaut nga kining akong tambag nakahatag og katin-awan sa imong pangutana. — Atty. Divine

* * *

Kining pagsud sa salag sa kaminyuon dili sayon, kay di ni sama sa kan-on nga init nga mamahimo lang iluwa dayon, matud pa sa akong inahan. Busa alang niadtong gusto magminyo, mas maayo nga ayuhon gyud sa pagpili aron di ta moresulta sa pagpa annul sa kaminyuon unya ang mga bata maoy maapektuhan tungod sa panagbuwag sa mga ginikanan.

 LEGAL CORNER, Atty. Divine Marcial-Flores, c/o Banat News, corner D. Jakosalem and V. Gullas Sts., Brgy. Sto. Nino, 6000 Cebu City or email sa [email protected]