Ang di pakig-sex sa kapikas sala o dili?

Sa hukmanan sa India ang kapikas nga di makighilawas sa iyang kapikas sad-an sa krimen nga "Cruelty".

Apan di lang kay ang di-pakighilawas, kundi bisan ang pagpakig-sexual intercourse nga murag patay kon dead wood sa terminolohiya nga gigamit sa korte sa New Delhi, giisip gihapon nga sad-an sa Crime of Cruelty.

Kasagaran anha   kini mahitabo sa magtiayon kansang asawa diskontento sa iyang bana o vice versa nga maoy hinungdan nga way gana nga makighilawas ug kun makig-sex man murag patay nga di gani mo-ek bisag gamay.

Ang India, wa magsimba sa Dios nga gipaila sa Biblia, kay may lain nga matang sa Dios nga ilang gialagaran , sama usab dinhi sa nasud nga daghan kaayo ang mga Dios, apan ang Indian mituman   sa balaod sa Dios

Ang balaod sa Dios nga napatik sa Biblia bahin sa pagminahalay sa bana ug asawa , maoy gibatbat sa opisyal nga mokasal sa mga anak sa Dios.

Usa sa gibalaod sa Dios mao ang matud pa Niya "di ka magmapait sa imong kapikas"

Ang balaod nga   di magmapait sa   kapikas nagkahulogan sa di pagluib, di pagpasakit, ug labaw sa tanan di paghikaw sa pakighilawas o sexual intercourse kun kini gikinahanglan.

Apan human Niya isugo sa tawo nga mosanay sa yuta, sa ubos sa maong sitas sa Biblia, Iyang gimando ang pagpugong sa pagpanganak.

Ang sugo bahin sa pagpugong sa pagpanganak usa ka karaang sugo nga mosakar sa panahon nga ang magtiayon magkamuritsing na sa pagpuyo gumikan sa kadaghang anak nga di na halos makapakaon ug di makapa-edukar sa ilang mga anak.

Busa kadtong tawo nga masuko kun imandar ngadto sa magtiayon ang pagpugong sa pagpanganak, labaw pa siya sa Dios.

Ang balaod usab sa kababayen-an dinhi sa nasud nga nagbuot nga ikakiha nila ang ilang bana nga mamugos pakig-sex kanila bisan wa silay gusto, usa ka pagpasabot nga gisupak nila   ang sugo sa Dios.

Di ba?