'Gago' kuno

Usa lamang kini ka expression. Matag karon ug unya, atong madunggan ang mga pulong, morag mamalikas, sama sa “Buang!” “Turpe!” “Tunto!” “Istoryahi!” “ Gago!” Unsa pa na diha. Tungod lagi kay expression ra man, dili ta ma-offended, kun kita ang gitumong sa maong mga foul languages. In fact, mokatawa lang ta.

Apan, kun kini ising-al in open court, i-address ngadto sa kauban nimong mga equals, ang tuyo pagpakauwaw kanila, unya, daghan kaayo ang makadungog … lahi na ang sugilanon, dili na maayo, dili na ikatawa. 

 Maoy hinungdan nga nakakomentaryo si Fr. Catalino Arevalo nga dili kini maayo, ug mikutlo sa passage sa Bibliya nga nag-condemn niini. Ania ang mga pulong ni Jesus mismo:

“ I tell you, then, that if you are not righteous in a much broader way than the teachers of the law and the Pharisees, you cannot enter the kingdom of heaven” Nga kun ikaw dili mas matarong kay sa mga magtutudlo sa balaud ug sa mga Pharisees, nga kun ikaw mas salawayon kay sa imong gisaway, dili ka makasulod sa Langit.

Sa paghingan mo’g gago sa imong isigkatawo, tingalig mas gago ka kay sa imong gigagohan. Mipadayon si Jesus: “You have heard that it was said to our people in the past: Do not commit murder; anyone who does kill will have to face trial. But now I tell you, whoever gets angry with a brother or sister will have to face trial.

Bida sad no, samtang sa unang panahon, mag-atubang kag kaso, kun makapatay ka. Apan sa panahon ni Jesus, bisag maglagot, masuko ka lang sa imong isigkatawo, kasohan ka na.

“Whoever insults a brother or sister deserves to be brought before the council; whoever calls a brother or sister ‘Fool’ deserves to be thrown into the fire of hell.”

 Klaro. Igo lang kining gikutlo ni Fr. Arevalo. Of course, sayod siya nga adunay separation of Church and State. Sa akong pagsabot, wala man siya manghilabot sa gobyerno.

Igo lang siyang mikutlo sa mga pulong ni Jesus, nga dili maayong maghingalan ta sa uban nga mga gago. Ikaw nganlan kag gago, malipay ka? Bisan tuod kaha og tinuod kang gago, bation gyud ka’g uwaw, labi na kun himoon kini in public.

* * *

Layo pa gyud kaayo ang eleksyon. Apan ang atmosphere, morag campaign season na. Nag-iyahay nag linabayay og lapuk, as if, ugma na ang eleksyon. Init na gyud kaayo. Ug gabukal nag maayo ang kaldero sa politika.

Atong ma-felt nga medyo giilogan ang mga kapitan sa barangay. Ang isigkampo, nag-iphanay kun pila ka barangay captain ang nagpaluyo o mibatok kanila. Of course, crucial kaayo ang role sa mga barangay captain matag eleksyon. Kini tungod kay sila man ang labing duol sa katawhan.

Maoy hinungdan nga mahal kaayo sila karong panahona. Apan, mangutana ta, mosunod ba gyud kanila ang ilang mga konstituwente sa barangay? Kun kinsa ang ilang labanan, mao ba usab ang ilang katagi-barangay? Wala bay independent nga pangutok ang taga-barangay?