Binayran nga pag-ampo sa minatay

Kun wa moy igong panahon sa pagpangadye sa inyong mipanaw na nga kabanay o ba kaha gusto pa gyud ninyong pun-an ang pag-ampo naay mga tawo nga motanyag sa ilang serbisyo sa pag-ampo.

* * *

Kining mga motanyag og “prayers for a fee” naa kana masugatan sa mga sementeryo nga pribado sama sa memorial parks.

* * *

Kasagaran ining mga mangadye pabayad babaye duha o tulo sila. Maayo kaayo mo-ampo sa mga kalag sa purgatoryo. Modawat bisan pila nga pahalipay ang ihatag ngadto kanila.

* * *

Diha sa Queen City Memorial Gardens naay inahan, amahan ug dalagitang anak nga mangadye sa mga lubong atol sa Adlaw sa Minatay. Taga-isla kuno ni sila ug manganhi sa mao lamang nga tuyo.

* * *

Kaniadto dihay lalaking nagsul-ob og sutana sa pari nga mangadye usab sa mga lubong “for a fee.” Duna siya’y kuyog nga batang lalaki nga nagda’g kabo nga may tubig. Ang maong tubig gamiton sa pari para sa bendita sa mga lubong.

* * *

Kadtong tawhana wala na igkita human pasidan-i sa mga tanod nga hunongon na ang iyang pagpaparipari.