MGA LAMAS SA KINABUHI: Pagpamalandong alang sa Malangkubong Kaayohan

Ang kasinatian ni Sakeyo

Si Sakeyo ang sama sa ubang mga kobrador sa buhis. Apan ang balita kalabot sa nagsingabot nga si Jesus maoy nakahatag kaniya og igong pagtagad. Gani, nikatkat siya sa kahoy nga Sikomoro aron lamang makita niya ang maong magtutudlo.

Unsaon, putot man siya nga pagkatawo. Ug sa dihang si Jesus ang nidayon sa iyang balay ug nakigsalo kaniya sa pagkaon, dunay dakong hitabo sa iyang kinabuhi niadtong adlawa. Siya nausab, naluwas ug nakasinati nga siya diay mahinungdanon nga tawo. Mao nga dili gyud angay nga kalimtan kadtong maong kasinatian.

Ang ginagmay nga lihok agi’g paghatag og importansiya ni bisan kinsa ang dako kaayo og kahimoan aron ang mapagawas sa maong tawo ang pinakamaayo nga naa niya bisan pa man kun giisip siya nga dautan. “Simple acts of thoughtfulness” ingon pa nila ang dako kaayo og impact kanilang giisip nga obscure ug insignificant ning atong katilingban.