Ang kabilin

Usa ka amahan ang sa wala pa mopanaw ang mideklarar ngadto sa iyang tulo ka mga anak nga iyang ihatag kang bisan kinsa ang kinatibuk-an niyang katigayonan kang bisan kinsa kanila nga makagamit sa husto nga paagi sa mga butang nga iyang ibilin kanila. Ang kamaguwangan nakadawat og usa ka tadyaw nga bino, ang ikaduha usa ka sakong trigo samtang ang ikatulo nakadawat og usa ka sakong hugaw sa hayop. Ang nakadawat og usa ka tadyaw’ng bino ang midali pagsangpit sa iyang mga higala alang sa usa ka bangkete. Ang nakadawat sa usa ka sakong trigo ang mibahin niini sa kaduha. Ang katunga iyang gitanom samtang ang katunga iyang giilis sa usa ka sakong hugaw sa hayop nga nadawat sa ikatulo nga sagmuyo kaayong midawat sa iyang bahin. Ang ikaduha nakaani og mas daghang trigo nga maoy nakapahimo niyang gamhanan ug dato. Ug dili kay kini lang, iya pa gyud nga gi-organisar ang ubang mga tawo aron sila mananom usab diha sa iyang paggiya.

Pamalandong

Matag usa adunay gasa gikan sa Kahitas-an. Gamiton unta nato ang atong mga gasa diha sa pagpalambo sa atong kaugalingon ug pagtabang usab sa uban.