Konsiyensiya batok survey!

”Follow conscience, not surveys – CBCP” – banner headline kini sa usa ka nasudnong mantalaan. Mao kini ang tambag sa CBCP kon Catholic Bishops’ Conference of the Philippines – nga dili kita magpadala sa resulta sa mga survey. 

Tinuod, kay kun mao kini, diin ang mga survey mao nay atong agdon kinsay atong botohan, di na lang mag-eleksyon, ipaagi na lang nato sa survey ang pagpili sa atong mga elective officials. Makadaginot pa ta ug wala pay hasul.  

Mora’g kataw-anan, apan mao kini ang nahitabo sa atong nasud karon. Morag dependent na kaayo kita sa mga survey – di na lang mogamit sa utok, wa nay isyo-isyo, wa na gani qualification.

Maoy hinungdan nga nabalaka ang CBCP nga dili na unya kita mogamit sa atong utok, maghuwat na lang sa resulta sa mga survey, kay kini gong mga survey makahimo’g bandwagon effect ngado sa mga pumipili, ug kadtong kusog sa mga survey mao na lay atong botohan.

Ang 2010 elections crucial kaayo alang sa atong nasud, Nga kun masayop na usab kita pagpili, makaingon kita nga wa nay paglaum kining atong nasud. Sa ato pa, kun ato lang ibasi sa mga survey ang atong pagpili, diin, ang emotion ug popularity maoy mohari unsa kahay dangatan sa atong nasud? 

Miingon ang CBCP: “Do not be swayed by survey results or political advertisements. Follow the dictates of your conscience after a prayerful and collective period of discernment. Winnability is not at all a criterion for voting.”

Si Erap nag-una sa mga survey. Ato siyang gipadaug uban sa makabungog nga kadaugan. Wa ta magtan-aw sa qualification. Unsay nahitabo? Magpapili ra ba siya’g usab. 

Kun ang mga survey maoy atong basihan sa atong pagpili, nagpasabot ba nga way hinungdan ug dili qualified sila si Gordon ug Gibo, ug sila si Binay ug Bayani Fernando, kaylagi pirmeng mangiwit sa mga survey? Mao ni ang imong criterion pagpili, Dro?

Particular kaayo ang CBCP sa reproductive health bill. Matud pa: “It would not be morally permissible to vote for candidates who support antifamily policies, including reproductive health (in the particular understanding being presented in the recent debates, which includes, among others, promotions of abortifacients, penalties for parents who do not allow their children to engage in sexual acts, etc.)or any other moral evil such as abortion, divorce, assisted suicide and euthanasia.”

Kakuyaw god ini kun tinuod man kining kabalaka sa CBCP. Busa, lungsod, hinuktoki kono nig maayo. Hunahunaa, kun unsa kita karon, kini tungod kanimo.